Abellugu
Una d'elles ye la " ruta les fuentes" que ye la que vos porpongo pa facer.
Enantes voi dicivos una serie de llugares pa quedase y asina entamáis la ruta tando bien descansaos.
Podemos abelluganos en Murias qu'amás de tar cerca d'onde entama la ruta
, tien unes cases rurales perguapes pa quedanos. Una d'elles ye:
Casa Berbesa: ye una casa rural de piedra típica Asturiana construyía nel S.XIX. reformá dafechu.
Otru llugar p'abelluganos pue ser l'Hotel de Santibanes de Murias que tamién ye perguapu.
La estrella de cuaña: ye un edificiu de nueva planta decoraú con mobiliariu vieyu y rústicu. Dispón de salón con chimenea, sala de llectura, bar, sala xuegos, comeor, piscina al aire llibre con hidromasaxe, xardín y SPA de salud con sauna.
Ruta les Fuentes:
Agora voi falavos un poco de la ruta pa conocela meyor:La ruta entáma en Santibanes de Murias al llau del Molín del Ríu y de la fonte Cima. Dende equí baxamos hasta llegar a Vil.lar y dempúes baxamos hasta tomar el camín que llevanos a Murias.
Seguimos camín alante per Murias pasando al llau de la fonte "La Republicana" y más alante pelas inmediaciones de la ermita de San Andrés. El camín va llevanos a Arnizo.
Dende Arnizo la marcha entama una remontá que termina en La Vara. A partir desta descendemos hasta ellegar a Almerín y Los Corros. en llegando a ellos ,encarrilámonos hasta alcanzar El Cabanón, conxuntu rural que s'asóma sobre'l barriu del Campu de Nembra. A esti caseríu sucedelu El Carbayiru y más alante, Güertomuro, onde ta una de les fontes más prestoses de la ruta.
Continuamos cola marcha cruzando polos asentamientos de Les Fureres y El Pasauriu, llugar que llinda las parroquias de Nembra y Morea. Siguiendo'l camín vamos llegando a Güeria. Namás pasar la so iglesia, coyémos el camín La Tablera, que pasa al llau del ríu Nigru hasta que topamos con La Arenilla, onde s'asitia'l panel de la marcha y llegamos al fin de la ruta . En La Arenilla xuntense los ríos Nigru y Ayer, y pol marxen de la mandrecha desti últimu, asoma Morea, onde nos dirixímos cruzando'l puente que comunica entrambes orielles.
Distancia: 12,8 Km
Dificultá: Baxa
Duración: 4 h 40 min ( aproximao)
La Xinta:
Agora voi dexavos dalgún sitiu onde parase a xintar dempués de facer la ruta. Podemos quedanos a xintar nel asaor que ta en Murias que noma "El corral".
Pue comese dalgo pa picar como un revueltu de setes y gambes, pitu al "ajillo". Tamién tien parrilla na que podemos pedir: Chorizu Criollu, Costiella xatu o de guchu, entrecot de güe o si no tamien podemos pedir del fornu: corderu, gochín o paletilla lechazu pero too esto último tien que pedise primeru per encargu.Qué más ver
Amás vais poder ver otres munches coses nel conceyu que tamién son interesantes como'l texu de Santibanes Murias o la iglesia de Murias
