Selmana de les Lletres Asturianes

Esta selmana viense cellebrando dende 1980 na primer selmana del mes de mayu, y dende 1989 suel tar rellaciona a un autor o autora importante de la lliteratura n'asturiano.

Ye una fecha señalá  pa munches instituciones y áreas diferentes. Así, los profesores de llingua y literatura asturiana avecen a facer dalgo nes sos clases rellacionao col autor al que ta dedicá la selmana (o a la manifestación lliteraria nel so casu), y les autoridaes autonómiques  impliquense na  defensa del idioma. Asina, nos postreros años cellébrense  recitales de poesía na Xunta Xeneral o repartos de llibros o DVD de manera gratuita

Esti añu tal como anunció Emilio Marcos Vallaure, conseyeru de cultura y deporte, la selmana de les lletres asturianes va tar dedicá a la poesía y los poetes asturianos de la Ilustración. Nesta edición:
Benitu de l’Auxa (1742-1814) y Antón Balvidares (1751-1792)  dos escritores de la nomada xeneración del mediu sieglu, compañeros alrodiu la figura de Xovellanos y del grupu de los Bableferido.
Les actividaes institucionales van desenvolvese en Xixón y Grau, el día 30. N’Uviéu y Candás el 2 de mayu. En Sariegu el 3 de mayu. En Sariegu y Santalla d’Ozcos el 4 de mayu.

Nesta semana cientos de persones percuerren les cais d'Uviéu manifestándose en llucha pola oficialidá del asturianu. Esto ya ye una tradición ya que llevan cellebrándose manifestaciones pola oficialidá dende va ya más de 30 años. El 4 de mayu, un añu más coincidiendo col día de les lletres asturianes, cientos de persones caleyaron poles centriques cais d'Uviéu, glayando pola oficialidá de la nuesa llingua, y esixendo derechos llingüisticos pa toos y toes, na convocatoria de la Xunta pola Defensa de la Llingua Asturiana.

La manifestación amenizada por un grupu de pandereteres, entamó a les 19.30 hores na Estación del Norte, y anque pasada per agua en too momentu, desfilo peles cais d'Uría y San Francisco hasta llegar a la Plaza Porlier, onde Paula Cristóbal, lleó'l comunicáu, nel qu'ente otres cueses, facía mención a la confirmación del Tribunal Supremu de que ye illegal poner un mínimu d'alumnos pa dar clas d'asturianu en Secundaria.

Dempués de la manifestación nel teatru Filarmónica d'Uviéu tuvo amenizada pola banda Gaite de Villaviciosa.

Tolos años la Xunta pola defensa de la llingua entama un conciertu en favor dela oficialidá. esti añu cellébrase en Xixón que contará coles actuaciones de: Michael Lee Wolfe, Mapi Quintana & Jacobo de Miguel; Macadamia, Tuenda, La Bandina, Alfredo González, Dixebra y Fala non Caduca